يسعد صباحكم ومساكم جميعا



كيف الصيام معاكو والفاتر يعترف احسنلو



اليوم القرنقعوه هيييييييييييييييييييه






اليوم حابه اعرفكو ليلة القرنقعوه واللي هي تصادف مساء اليوم منتصف رمضان


اهل الخليج كلهم مؤكد عارفين عن شو بحكي ومبسوطين وتلاقيهم مجهزين اطفالهم


واهل فلسطين الحبيبه راح يتعرفو معنا من خلال هالموضوع على اختراع القرنقعوه


وبالمره ناخد آرائكم بالإشي ونسمع تجاربكم ايام الطفوله



انبلش




[size=21][ القرقاعون ] [/size]


هوي من العادات التراثية القديمة والمتوارثة بين الأجيال كباراً وصغاراً في منطقة الخليج تحديدا وهو عبارة عن يوم بهجه واحتفال بالنسبه للاطفال


هلأ طيب شو بعملوفيو وليش هيك سموه وكيف منزرو هالقرقيعان





بعد صلاه المغرب مباشره الاطفال بيفطرو عالسريع وطبعا ما بهنو اهاليهم على لفطار علشان يلحقو القرنقعوه قبل ما يخلص


وبروحو بيلبسو لتياب الخاصه بهالمناسبه واللي بشتروها وبجهزوها قبل بايام وهي كالتالي


للولاد جلبيه ومعو الطاقيه تبعتو يعني مطرزات تراثيه

[center]طبعا في اشكال تانيه للملابس التراثيه وكل عيله وزوقها في تلبيس اولادها

وللبنوتات العسولات في اختراع اسمو بخنق بضم الباء وفتح النون

[center]والبخنق متل ما شايفين عباره عن غطاء شفاف بيغطي الشعر وبينزل على الملابس
وبكون مطرز بالدهبي او الفضي يعني روعه كان عندي واحد وانا زغيره





وتحت البخنق ممكن يلبسو البنوتات جلابيه زغيره بردو تراثيه متل هي

[center]بس هلأ الحمد لله اتطورنا كتير وصارو البنوتات يلبسو جينز وبنتكورات تحتو





نرجع لتعريف القرنقعوه


قبل ليله منتصف رمضان بيروحو الآباء والامهات على المحلات المتخصصه ببيع القرنقعوه
وبشترو منو كميات كبيره علشان حيتم توزيعها على اطفال الحي


[center]والقرنقعوه هو عباره عن مجموعه من المكسرات متل الجوز واللوز والفول السوداني وكمان ملبس متل هيك

[center]وكل بيت بيحط الكميه اللي اشتروها في طشط متل هيك

[center]والاطفال بعد ما لبسو وكشخو بطلعو في مجموعات بمشو سوا وبفوتو على كل بيت وهما بيغنو الاغنيه الخاصه بهالمناسبه وهي كالتالي

[size=21][/size]

كرنكعوه كركاعوه
عطونا الله يعطيكم
بيت مكة يوديكم
يوديكم لأهليكم
يامكة يالمعمورة
يا أم السلاسل والذهب يانورة



وبعد ما يغنو بيصيرو اهل كل بيت يغرفو الاشي بكبايه او صحن ويعبو اكياس مخصصه بكونو حاملينها الاطفال



وطبعا مهما الناس بيحاولو يحافظو على التراث بشكلو
في ناس بتحب التطور وبتعمل تغيرات ولمسات فبعض الناس بخترعو وسائل جزابه اكتر لتوزيع القرنقعوه على الاطفال

[center]بهيك بكون اعطيتكو فكره عامه عن ليلة القرنقعوه كنوع من الفائده بالتعرف

على عادات وتقاليد شعوب غيرنا من الجنسيات تحديدا اهل الخليج

يا رب يكون عجبكو الموضوع وتتفاعلو معي بآرائكم وتعلقياتكم

وكمان تساؤلاتكم ازا وجدت



الموضوع من تجميعي وتعليقي الخاص وازا في اي خطأ
حدا يخبرني اياه بما يخص القرنقعوه لانو هادا حصيله معرفتي بعد 20 سنه خبره بقطر

منقووووووول

للمعرفة



صوما مقبولا وافطارا شهيا